كانت عامله موضوع و بتسأل فيه عن طريقه عمل السكارف ده
وانا الحمد لله عرفت الطريقه و قلت احطها فى موضوع جديد عشان كل الناس تشوفها
و يارب تكون مفيده ان شاء الله
السطر الأول
29 غرزه سلسله و نضع دبوس لتعليم المكان ثم 10غرزه سلسله
السطر التانى
نشتغل غرزه عمود بلفه فى الغرزه ال 29 اللى فيها الدبوس
يعنى ف الغرزه رقم 11 من الأبره
نشيل الدبوس
و( نشتغل 3 سلسله
ونعد من السطر اللى تحت 3 غرز من اخر عمود و ندخل ف الغرزه الرابعه بعمود بلفه )
نكرر الخطوه دى حتى نهايه السطر
ف النهايه الشكل هيكون كده ان شاء الله
السطر الثالث
هرتفع واحده سلسله
هعمل 2 غرزه حشو حوالين اخر عمود انا اشتغلته
و غرزه منزلقه داخل اول غرزه ف السطر الأول
الشكل هيبقى كده
وبعدين هرتفع 21 غرزه سلسله
و ادخل فى تانى غرزه من الأبره و امشى لتحت حتى بدايه ا لسلسله بغرز منزلقه و
يفضل انى اشتغل فى ضهر السلسه
لما اخلص الخطوه دى هوصل للشكل ده
***هشتغل ف السلسله اللى قدامى غرز حشو بالترتيب فى كل غرزه غرزه حشو لحد ما الاقى نفسي وصلت لتانى عمود
(هرتفع 10 سلسله
واقف هنا شويه
و اجى بالابره وادخل ف اول غرزه ف العمود الطويل اللى قبله
كده
واخد لفه ع الأبره
وبعدين اخد غرزه
واروح مكمله ب 11 سلسله
وادخل ف الغرزه الثانيه من الابره بغرزه منزلقه
و اعمل بطول السلسه كلها ف كل غرزه سلسه غرزه منزلقه حتى نهايه السلسله)***
اكرر الخطوات اللى بين النجوم حتى اصل لأخر السطر
انا هعتبر نفسى عملت كل السطر و الشكل النهائى هيكون كده
كله مقفول ماعادا اخر واحده هسيبها مفتوحه كده
هعمل 2 غرزه حشو حوالين العمود
وواحده ف اول سلسله بعد العمود
همشى بقى بطول السطر اللى تحت ده كله بغرز حشو
بس
هعمل عمليه تنقيص
بحيث ان انا اخد كل غرزيتن فى غرزه
يعنى اعمل غرزه حشو ف الغرزه اللى عليها الدور و قفلهاش
و غرزه ف اللى بعدها و اقفل الاتنين مره واحده
بالطريقه دى كده
---(هدخل الغرزه واسحب الخيط و اسيبه ع الأبره و ادخل الغرزه اللى بعدها و اسحب الخيط و هلاقى معايا ع الابره 3 لفات
اسحبهم كلهم مره واحده)---
هكرر اللى بين ---( )---- دول لنهايه السطر
و طبعا انا بعمل كده عشان الوحده بتاعنا ياخد الشكل المنحنى اللى ف الصوره
ف النهايه هتبقى كده
لما اوصل لنهايه السطر اشتغل 7سلسله
وادخل ف تانى غرزه من الأبره و اشتغل غرز منزلقه لحد ما اوصل لهنا كده
و الحته اللى طالعه هنا و اللى العه فوق دول اماكن التشبيك مع الوحدات التانيه
وبكده تبقى الوحده بتاعه السكارف خلصت
وعشان نكمل السكارف هنشتغل كله بنفس طريقه الوحدات و هنشبكهم فى بعض واحده مقلوبه و واحده معدوله
و طريقه التشبيك هتكون عن طريق اننا نشتغل نص الوحده و بعدين نحط الأتنين
جمب بعض و لما نيجى نعمل الفروع نشبك من اماكن التشبيك و ف الأخر نوصل
الوحدتين ببعض
و طبعا يا جماعه مش محتاجه اقلكم ان الطريقه دى كلها و الصور كلها انا اللى عملاها بنفسى
و كلها اجتهاد شخصى
لو كان فيها حاجه غلط أو حدد يعرف طريقه اسهل ياريت يفيدنا
منقول